Свято-Покровский кафедральный собор г.Гродно

14 жніўня 2018 года ў свята Паходжання Пачэсных Дрэў Жыватворчага Крыжа Гасподняга Бажэственную літургію ў Свята-Пакроўскім кафедральным саборы горада Гродна ў саслужэнні клірыкаў храма ўзначаліў настаяцель протаіерэй Георгій Рой.

Па заканчэнні літургіі быў здзейснены чын малога асвячэння вады. Па традыцыі вернікі асвяцілі мёд і пачаставаліся салодкімі прысмакамі.

10 жніўня 2018 года ў бібліятэку Свята-Пакроўскага кафедральнага сабора горада Гродна былі перададзеныя ў дар кнігі Святланы Алексіевіч.

На выданне кніг збіралі грошы неабыякавыя беларусы і таксама, значную суму вылучыў «Белгазпрамбанк» і прапанаваў надрукаваць дадатковы наклад у 3000 асобнікаў, каб падарыць яго ўсім беларускім бібліятэкам.

30 ліпеня 2018 года, або 17 ліпеня паводле старога стылю, у Свята-Пакроўскім кафедральным саборы быў адслужаны малебен для выпускнікоў Акадэміі Міністэрства ўнутраных спраў з нагоды заканчэння навучання.

Напярэдадні малебна протаіерэй Аляксандр Казакевіч, адказны за работу з праваахоўнымі органамі, правёў экскурсію па саборы для выпускнікоў, распавёў шмат цікавага з гісторыі кафедральнага храма епархіі і з гісторыі яго святынь.

19 ліпеня 2018 года, або 6 ліпеня паводле старога стылю, Царква адзначае памяць святой праведнай Юліяніі, князёўны Гальшанскай. Святая Юліянія нарадзілася ў княжацкай сям’і.

Пра яе зямное жыццё амаль не захавалася ніякіх звестак. Князёўна Юліянія сталася слаўнай дачкой старажытнага роду ўдзельных князёў Дамбравіцкіх-Гальшанскіх, вядомага з канца ХІ ст., нашчадкаў князя Глеба Юр’евіча, праўнука Святаполка-Міхаіла, які ўдзельнічаў у бітве 1184 года, калі быў разбіты хан Канчак.

7 ліпеня 2018 года ў Гродзенскім дзяржаўным універсітэце імя Янкі Купалы прайшла акцыя “Чытаем Купалу разам”. Мерапрыемства было прымеркавана да 136-годдзя з дня нараджэння прарока нацыянальнага Адраджэння і вядомага беларускага класіка, імя якога носіць універсітэт.

Далучыўся да гэтай акцыі і прыняў актыўны ўдзел загадчык сектара прыходскіх бібліятэк Гродзенскай епархіі, клірык Свята-Пакроўскага кафедральнага сабора г. Гродна протаіерэй Уладзімір Барысевіч.