Дни белорусской письменности

9 верасня 2018 года ў Свята-Пакроўскім кафедральным саборы горада Гродна прайшлі мерапрыемствы, прысвечаныя Дню беларускага пісьменства і 400-годдзю Беларускага Буквара.

Раніцай здзейснілі літургію на беларускай мове. Днём, у Ніжняй царкве Старога Замка, настаяцель і клірыкі храма адслужылі акафіст, складзены Францішкам Скарынам. Падчас святочнай музычна-асветніцкай вечарыны ў Актавай зале адбылася прэзентацыя факсімільнага выдання першага ў свеце беларускага Буквара.

3 верасня 2017 года ў Свята-Пакроўскім кафедральным саборы горада Гродна прайшлі мерапрыемствы прысвечаніыя Дню беларускага пісьменства і 500-годдзю Беларускай Бібліі. Раніцай здзейснілі літургію па-беларуску. Днем, у Ніжняй царкве Старога Замка, настаяцель і клірыкі храма адслужылі акафіст, складзены Францішкам Скарынай.

Падчас святочнай вечарыны ў Актавай зале адбылася прэзентацыя перакладу Новага Запавету на беларускую мову, вернікі пазнаеміліся з працай копіі друкарскага варштату 16 стагоддзя, слухалі беларускія песні і ўспаміналі вялікага суайчынніка Францішка Скарыну.

3 верасня 2017 года Бажественную літургію на беларускай мове ў Свята-Пакроўскім кафедральным саборы горада Гродна ўзначаліў протаіерэй Георгій Рой.

Настаяцелю саслужылі клірыкі храма протаіерэй Уладзімір Барысевіч, іерэй Павел Каспяровіч, протадыякан Дзімітрый Шэпелеў і дыякан Барыс Барадзінчык.

4 верасня 2016 года ў Свята-Пакроўскім кафедральным саборы горада Гродна адзначылі Дзень беларускага пісьменства.

Боскую літургію на роднай мове узначаліў настаяцель сабора протаіерэй Георгій Рой у саслуженні клірікаў храма. Пасля святочнага набажэнства іерэй Павел Каспяровіч арганізаваў ў бібліятэцы сабора прэзентацыю палічкі з беларускай духоўнай, гістарычнай і мастацкай літаратурай. Пазней у клубе праваслаўнай размовы прайшоў духоўна-літаратурна-музычны вечар  "Рэлігійныя матывы ў творчасці народных паэтаў Беларусі" з удзелам святароў Пакроўскага сабора, паэтаў, навукоўцаў, спевакоў, архіерэйскага хора і вернікаў горада Гродна.

6 верасня 2015 года ад Раства Хрыстова  ў актавай зале Свята-Пакроўскага сабора адбылася мастацкая культурна-асветніцкая вечарына «Адвечнае слова».

Клуб праваслаўнай размовы да Дня беларускага пісьменства падрыхтаваў імпрэзу ў якой прынялі удзел: пратаіерэй Георгій Рой, настаяцель Свята-Пакроўскага сабора; старшы выкладчык ГрДУ імя Янкі Купалы Пётр Лявонавіч Навіцкі; паэт, дацэнт ГрДУ імя Янкі Купалы Анатоль Брусевіч; паэт, аспірант кафедры рускай і замежнай літаратуры ГрДУ імя Янкі Купалы Вольга Агапонава; паэт, іерэй Свята-Пакроўскага сабора Павел Каспяровіч i ўсе зацікаўленыя.