У Пакроўскім саборы адбылася вечарына, прасвечаная 400-годдзю Беларускага Буквара i адкрыцце фiлатэлiстычнай выставы

09/09/2018 - 21:10

9 верасня 2018 года ў Свята-Пакроўскім кафедральным саборы горада Гродна прайшлі мерапрыемствы, прысвечаныя Дню беларускага пісьменства і 400-годдзю Беларускага Буквара.

Раніцай здзейснілі літургію на беларускай мове. Днём, у Ніжняй царкве Старога Замка, настаяцель і клірыкі храма адслужылі акафіст, складзены Францішкам Скарынам. Падчас святочнай музычна-асветніцкай вечарыны ў Актавай зале адбылася прэзентацыя факсімільнага выдання першага ў свеце беларускага Буквара.

Пасля прывітальнага слова ад настаяцеля Пакроўскага сабора протаіерэя Георгій Роя Архіерэйскі хор пад кіраўніцтвам протадыякана Дзімітрыя Шэпелева заспяваў гімн "Магутны Божа".

Песні беларускіх аўтараў выканаў саліст хора Андрэй Грыгор'еў.

www.racyja.com пра падзею:

...Тэма Свята беларускага пісьменства і праца прыходу Сабора аказілася ўзаемазвязанымі паміж сабою, кажа настаяцель храма айцец Георгій Рой: – Тэма, прысвечаная 400-годдзю беларускага Буквара, мае для нас вельмі важнае значэнне. Адным са стваральнікаў гэтага Буквара меркавана быў прападобны Лявонцій Карповіч, Архімандрыт Віленскі. Катэхізічныя курсы пры нашым саборы носяць яго імя. Таму, калі мы даведаліся пра выхад гэтага факсіміле, такую цудоўную знаходку, то, канешне, мы адразу зацікавіліся.

Цэнтральным мерапрыемствам свята стала прэзентацыя першага вядомага ў свеце Буквара, які быў выдадзены беларусамі. Прэзентаваць выданае сёлета факсіміле прыехаў з выступам Алесь Суша, намеснік старшыні Нацыянальнай бібліятэкі Рэспублікі Беларусь (Мінск). Ён расказаў пра акалічнасці адшукання Буквара ў адной прыватнай бібліятэцы Лондана. Агулам беларускі першы Буквар захаваўся ў двух асобніках і не ў Беларусі, а ў Даніі і Вялікабрытаніі...