Дмитрий Долгополик

3 верасня 2018 года на базе Гродзенскага аддзялення ДАІ пры непасрэдным удзеле Гродзенскай праваслаўнай епархіі, Гродзенскай каталіцкай епархіі, а таксама сярэдняй школы № 12 адбылася акцыя, прысвечаная памяці дзяцей, загінулых у дарожна-транспартных здарэннях.

Каля гарадскога парка імя Ж.Э. Жылібера былі выстаўлены манекены з выявамі дзяцей, загінулых на дарогах Гродзеншчыны за апошнія пяць год. На выявах былі пазначаны прозвішча і імя загінулых, год смерці і ўзрост на момант гібелі. Побач з манекенамі супрацоўнікі ДАІ запалілі лампадкі.

21 ліпеня, або 8 ліпеня паводле старога стылю, Царква адзначае яўленне іконы Божай Маці ў Казані. У Свята-Пакроўскім кафедральным саборы знаходзіцца спісак з Казанскай іконы Прасвятой Багародзіцы, які таксама праславіўся сваімі цудамі.

З гэтай прычыны гэта асаблівы дзень для саборнага храма. Усім вядома, што гэты абраз Божай Маці па-асабліваму шануецца яшчэ з часоў заснавання нашага храма.

20 красавіка 2017 года, у Светлы чацвер, на базе Гродзенскага дома-інтэрната для састарэлых адбыўся Велікодны канцэрт, арганізаваны прыходам храма свяціцеля Мікалая Цудатворцы Архіерэйскага Падвор’я і домам культуры УП “Цветліт” Беларускага таварыства глухіх.

Канцэрт ладзіўся для насельнікаў дома-інтэрната для састарэлых. Прадстаўнікі прыхода і УП “Цветліт” падрыхтавалі святочную праграму. Гучалі велікодныя песнаспевы, прысвечаныя Гасподняму Увакрасенню, а таксама народныя песні, жарты, ставіліся сцэнкі з народнага жыцця. Таксама прэзентаваліся сучасныя песні ў выкананні глухіх з дапамогай мовы жэстаў.

29  студзеня 2016 года святары Пакроўскага кафедральнага сабора, журналісты, навукоўцы і прадстаўнікі абласнога аддзялення Саюза беларускіх пісьменнікаў абмеркавалі магчымасці ўзаемадзеяння.

У прывітальным слове настаяцель протаіярэй Георгій Рой адзначыў неабходнасць беларускага мастацтва і літаратуры дзеля сапраўднага адраджэння нашай праваслаўнай Царквы і важнасць творчасці пісьменнікаў, якія нясуць у нашае грамадства традыцыі беларускай культуры, беларускага слова, беларускай паэзіі і беларускай літаратуры. - “Жыццё хрысціяніна не паўнавартаснае, калі хрысціянін не звяртае ўвагі на культуру.”

28 жніўня, або 15 жніўня паводле старога стылю, праваслаўныя хрысьціяне адзначылі адно з двунадзясятых сьвятаў – сьвята Усьпеньня (Спачыну) Найсьвяцейшае Багародзіцы й Вечнадзевы Марыі. З гэтае нагоды ў Сьвята-Пакроўскім катэдральным саборы адбылося ўрачыстае служэньне Боскае літургіі, што ўзначаліў высокапраасьвяшчэнны Арцемі, архіяпіскап Гродзенскі й Ваўкавыскі, у саслужэньні настаяцеля сабора протаіярэя Георгія Роя і протаіярэя Андрэя Бандарэнкі. Пасьля набажэнства адбылося высьвянчэньне зёлкаў.

Акалічнасьці Спачыну Найсьвяцейшае Дзевы Марыі вядомыя ў Хрысьціянскай Царкве з апостальскіх часоў. Хоць у Сьвятым Паданьні няма зьвесткаў пра абставы слаўнага Усьпеньня Прачыстае Дзевы Багародзіцы, аднак мы ведаем пра яго з даўняга паданьня. Да часу Свайго слаўнага Усьпеньня Багародзіца прыйшла ў Ерузалем. Яна мела звычай у Сьвятым Горадзе прыходзіць да Гасподняе труны і там маліцца.