награды

25 кастрычніка 2020 года, у Нядзелю 20-ю па Пяцідзясятніцы, урачыстае служэнне Боскай літургіі ў храме свяціцеля Мікалая Цудатворца м. Дубна ўзначаліў сакратар Гродзенскай епархіі мітрафорны протаіерэй Анатолій Ненартовіч з нагоды 170-гадовага юбілею асвячэння храма, а таксама 65-гадовага юбілею айца настаяцеля Свята-Мікольскага прыхода ў мястэчку.

16 лютага 2020 года, у Нядзелю пра блуднага сына, Высокапраасвяшчэннейшы Уладыка Арцемій узначаліў служэнне Боскай літургіі ў храме ў гонар святога велікамучаніка і цаліцеля Панцеляімана з нагоды 5-годдзя яго асвячэння (прыход храма Маці Божай дзеля іконы Яе “Адшуканне загінулых” г. Гродна).

19 снежня Царква адзначае памяць свяціцеля Мікалая Цудатворца. У гэты дзень Свята-Мікольскі храм г. Ваўкавыска адзначае прастольнае свята. З гэтай нагоды Высокапраасвяшчэннейшы Уладыка Арцемій узначаліў служэнне Боскай літургіі ў гэтым храме.

24 лістапада 2019 года Высокапраасвяшчэннейшы Уладыка Арцемій узначаліў служэнне Боскай літургіі ў ніжняй царкве ў гонар Маці Божай дзеля Аўгустоўскай Яе іконы Богаяўленскага прыхода г. Шчучын з нагоды 5-годдзя асвячэння.

26 кастрычніка 2019 года, Высокапраасвяшчэннейшы Уладыка Арцемій узначаліў асвячэнне храма ў гонар святой прападобнай Еўфрасінні Полацкай і служэнне ў ім Боскай літургіі.