Боская літургія ў ніжняй царкве ў гонар Маці Божай дзеля Аўгустоўскай Яе іконы Богаяўленскага прыхода г. Шчучын

24 лістапада 2019 года Высокапраасвяшчэннейшы Уладыка Арцемій узначаліў служэнне Боскай літургіі ў ніжняй царкве ў гонар Маці Божай дзеля Аўгустоўскай Яе іконы Богаяўленскага прыхода г. Шчучын з нагоды 5-годдзя асвячэння.

Яму саслужылі сакратар Гродзенскай епархіі мітрафорны протаіерэй Анатолій Ненартовіч, благачынны Шчучынскай акругі і настаяцель храма іерэй Аляксандр Пасцярняк,  благачынны Ваўкавыскай акругі іерэй Аляксандр Юзва, іерэй Ігар Каласоўскі. Па заканчэнні літургіі Уладыка павіншаваў усіх прысутных з нядзельным днём і ўручыў узнагароды.

Сваю пропаведзь Уладыка прысвяціў сённяшняму евангельскаму чытанню пра міласэрнага самараніна. У вобразе самараніна ўвасабляецца Сам Гасподзь, Які ратуе чалавека ад шматлікіх духоўных хвароб, якія імянуюцца грахамі і якіх у чалавеку безліч. Рабаўнікі ў прытчы выступаюць своеасаблівым правобразам сілаў дыявальскіх, якія, бачачы ў чалавеку вобраз Божы, накіроўваюць на яго сваю нянавісць. І калі чалавек паддаецца іх уздзеянню, ён губляе ў сабе вобраз Божы, а на душы застаюцца грахоўныя раны.

Адметна, што чалавек быў пабіты разбойнікамі па дарозе з Іерусаліма, цэнтра духоўнасці, у Іерыхон, які на той час мог увасабляць сабой грэх. Чалавек з паўнаты духоўнага быцця дэградуе ўніз і ідзе да грахоўнага жыцця. І менавіта Хрыстос, як сапраўдны Урач, узлівае віно і алей на гэтыя раны, выкліканыя грахоўным жыццём; праз таінствы Царквы Гасподзь пасылае нам ацаленне. Падбіраючы нас на дарозе граху, Ён накіроўвае нас у “гасцініцу” – у Царкву, дзе кожны можа аднавіцца для новага жыцця ў Царстве Божым.

Увайсці ў Царкву, стаць яе членам можна толькі прыняўшы Евангелле. На жаль, наша грамадства жыве па законе граху. Гасподзь заклікае нас узлюбіць ворагаў, але ці любім мы перадусім сваіх блізкіх? Таму варта маліцца нам адзін за аднаго, за Царкву, за Айчыну, каб усім уратавацца і ўнаследаваць жыццё вечнае.

Зьміцер Даўгаполік-Пратасевіч

НАГРАДЫ

Медаль "Коложский Крест" III степени:

• Сыцевич Сергей Николаевич, начальник ОВД Щучинского райисполкома;
• Шишкин Геннадий Петрович, командир ПВПК “Дружина”, пономарь храма.

Медаль "Коложская Одигитрия" III степени:

• Садовский Алексей Валентинович, председатель Щучинского райисполкома;
• Ложечник Сергей Васильевич, председатель Лидского райисполкома.

Архиерейская грамота:

• Зенчик Ольга Антоновна, прихожанка храма;
• Евтушик Наталья Викторовна, регент хора храма;
• Орлов Алексей Валерьевич, прихожанин храма.