поэзия

6 жніўня 2017 года вернікі прыхода храма Святой Жываначальнай Троіцы гарадскога паселка Зэльва адзначылі гадавіну нараджэння выдатнай беларускай паэткі Ларысы Антонаўны Геніюш.

У гэты дзень, у царкве, адбыліся набажэнствы, на блізкай да яе сэрца - роднай мове, з успамінам пачылай. Пасля якіх член рады саюзу беларускіх пісьменнікаў Валянцін Дубатоўка ўручыў настаяцелю царквы протаіерэю Георгію Субаткоўскаму падзячны ліст за стварэнне ў Свята-Троіцкай царкве г.п. Зэльва мемарыяльнага кутка Ларысы Геніюш, за папулярызацыю творчасці выдатнай паэткі і хрысціянкі, за спрыянне ў штогадовых Геніюшаўскіх чытаннях. 

21 мая 2017 года на  прыходзе святых раўнаапостальных  Мяфодзія і Кірыла прайшоў II конкурс чытальнікаў праваслаўнай паэзіі "Ангельскі глас".

У мерапрыемстве прынялі ўдзел прадстаўнікі Ваўкавыскага, Мастоўскага, Шчучынскага, Зэльвенскага благачынняў, Свята-Пакроўскага сабора г. Гродна і прыхода ў гонар Сабора Усіх Беларускіх Святых г. Гродна.

21 сакавіка 2017 года, у Сусветны дзень паэзіі, у зале пасяджэнняў ДУК “Гродзенская абласная навуковая бібліятэка імя Я.Ф. Карскага” адбылася прэзентацыя зборніка вершаў “Каложскі Дабравест”.

Клірык Свята-Пакроўскага сабора іерэй Павел Каспяровіч і іншыя аўтары сустрэліся з навучэнцамі і супрацоўнікамі адукацыйных устаноў абласного центра. Больш за 30 экземпляраў выдання было перададзена ў школьныя бібліятэкі.

21 лютага 2017 года ў галоўным корпусе Гродзенскага дзяржаўнага ўніверсітэта імя Янкі Купалы адбылася прэзентація зборніка паэзіі «КАЛОЖСКІ ДАБРАВЕСТ».

У Міжнародны дзень роднай мовы клірык Гродзенскага Свята-Пакроўскага кафедральнага сабора іерэй Павел Каспяровіч і іншыя паэты-ўдзельнікі прадставілі студэнтам выданне вершаў, якое з'явілася як вынік штогадовых літаратурных сустрэчаў аднаіменнага фестывалю праваслаўных песнапенняў.

7 лютага 2017 года на паэтычнай вечарыне ў актавай зале Гродзенскага Свята-Пакроўскага кафедральнага сабора святар іерэй Павел Каспяровіч і яшчэ 10 паэтаў-ўдзельнікаў штогадовых літаратурных сустрэчаў Міжнароднага фестывалю праваслаўных песнапенняў прэзентавалі зборнік паэзіі «КАЛОЖСКІ ДАБРАВЕСТ».