У Пакроўскім саборы адбылася вечарына-прэзентацыя зборніка паэзіі «КАЛОЖСКІ ДАБРАВЕСТ»

7 лютага 2017 года на паэтычнай вечарыне ў актавай зале Гродзенскага Свята-Пакроўскага кафедральнага сабора святар іерэй Павел Каспяровіч і яшчэ 10 паэтаў-ўдзельнікаў штогадовых літаратурных сустрэчаў Міжнароднага фестывалю праваслаўных песнапенняў прэзентавалі зборнік паэзіі «КАЛОЖСКІ ДАБРАВЕСТ».

Сярод аўтараў – як вядомыя беларускія пісьменнікі, так і маладыя творцы, якія зладзілі выдатны паэтычны марафон якаснага беларускага слова:

• Вольга Агапонава – паэтка, празаік, аспірант Гродзенскага дзяржаўнага універсітэта імя Янкі Купалы.
• Алена Бабіч – паэтка, журналістка, дызайнер, галоўны рэдактар праваслаўнага моладзевага часопіса “Пакаленне”.
• Данута Бічэль – паэтка, эсэістка, перакладчыца, лаўрэат Дзяржаўнай прэміі БССР імя Янкі Купалы.
• Анатоль Брусевіч – паэт, перакладчык, кандыдат філалагічных навук, дацэнт Гродзенскага дзяржаўнага ўніверсітэта імя Янкі Купалы.
• Голуб Юрка – паэт, перакладчык, лаўрэат Літаратурнай прэміі Імя Аркадзя Куляшова.
• Зніч (Алег Бембель) – паэт, публіцыст, насельнік Свята-Жыровіцкага манастыра.
• Павел Каспяровіч – паэт, клірык Гродзенскага Свята-Пакроўскага кафедральнага сабора.
• Андрэй Мельнікаў – паэт, бард.
• Аліна Паўлоўская – паэтка, студэнтка Гродзенскага дзяржаўнага ўніверсітэта імя Янкі Купалы.
• Галіна Самойла – паэтка.
• Вікторыя Смолка – паэтка, студэнтка Гродзенскага дзяржаўнага ўніверсітэта імя Янкі Купалы.

Некаторыя вершы таленавіта прагучалі ў выкананні барда Андрэя Мельнікава і рок-спявака Алеся Дзянісава:

Асаблівай шчырасцю і любоўю да радзімы і мовы прагучалі вершы, ўспаміны Дануты Бічэль пра Гародню, дзе сустракаліся з Караткевічам, Броўкай, Быкавым, пра "сустрэчу" са Скарынам у Полацку, ды інш:

Таксама ў гэты дзень удзельнікі вечарыны і аўтары выдання «КАЛОЖСКІ ДАБРАВЕСТ» прадставілі свае творы студэнтам Гродзенскага ўніверсітэта імя Янкі Купалы, факультэта гісторыі, камунікацыі і турызму.

Больш ФОТА

Мікалай БАЙДА

СМІ пра падзею:

БЕЛАРУСКАЕ РАДЫЁ РАЦЫЯ:..Пра творчую супрацу праваслаўнай Царквы й паэтычнага цэху Гародні кажа паэт Анатоль Брусэвіч – укладальнік кнігі: "Усё нараджалася з сяброўства паміж мной і айцом Паўлам Каспяровічам. У нас даўно ўзнікла ідэя падвышаць ровень агульнай культуры ў літаратурным плане ў гарадзенцаў, прывіваць літаратурныя густы. Вось гэтая ідэя паступова рэалізоўвалася праз розныя мерапрыемствы, праз паэтычныя спатканні і нарэшце вырасла да зборніка. І паколькі я з’яўляюся сябрам Саюза беларускіх пісьменнікаў, а айцец Павал прадстаўле праваслаўную царкву, то атрымалася супраца нібыта паміж Епархіяй і Саюзам беларускіх пісьменнікаў."  (Якуб Сушчынскі, Беларускае Радыё Рацыя.)

Навіна будзе дапаўняцца.