Святкаванне ў гонар Ракавiцкага цудатворнага вобраза Прасвятой Багородзiцы

9 і 10 жніўня бягучага года на шчучынскай зямлі ўрачыста адзначаецца святкаванне ў гонар Ракавіцкага цудатворнага вобраза Прасвятой Багародзіцы.

Вераніца мерапрыемстваў, стаўшых ужо традыцыйнымі для шматлікіх вернікаў, распачалася служэннем Бажэственнай літургіі ў храме Святога Архістраціга Божага Міхаіла г. Шчучына.

Па завяршэнні Еўхарыстыі быў адслужаны святочны малебен, узначалены благачынным Шчучынскай акругі святаром Аляксандрам Пасцерняком у саслужэнні протадыякана Ўладзіміра Юзвы, святароў благачыння і некаторых храмаў г. Гродна.

Ад імя ўсяго духавенства айцец благачынны павіншаваў вернікаў з днём ушанавання памяці святога велікамучаніка Панцелеімана, пажадаў малітвы і Божай дапамогі ў справе Хрэснага хода.

Пасля падмацавання сіл смачнай кашай, рупліва прыгатаванай намаганнямі кіраўнікоў і выхаванцаў ваенна-патрыятычнага аб’яднання “Дружына”, усе вернікі накіравліся да вядомай святыні.

Як і ў мінулыя гады, сёлета шлях хрэстаходцаў пракладзены праз некалькі вёсак шчучынскага раёна: Рэзы, ст. Ражанка, Богуславова і Валянчыцы. У кожнай з іх сціплымі і шчырымі намаганнямі мясцовых жыхароў падрыхтаваны прыпынкі дзеля падтрымкі фізічных сіл пешаходцаў.

У самой в. Ракавічі запланавана традыцыйная сустрэча пілігрымаў з мясцовымі вернікамі начале з настаяцелем храма Раства Прасвятой Багродзіцы іярэем Сергіем Раманко і адказным за правядзенне Хрэснага Хода святаром з г. Гродна мітрафорным протаіярэем Міхаілам Велісейчыкам.

У 17:00 пачатак усяночнага трывання, якое завершыцца служэннем акафістаў і трапезай для паломнікаў і святароў.

10 жніўня, у сам дзень ушанавняя Ракавіцкага вобраза, богаслужэнні пачнуцца з 06:00 служэннем ранняй літургіі і водасвятнага малебна на ракавіцкай крынічцы. У 09:00 пачтак позняй літургіі , якая завершыцца агульнай трапезай.

Святар Сергій СЯМАШКА,
клірык храма Святога Архістраціага Божага Міхаіла г. Шчучына
фота Геннадзя ШЫШКIНА