Прыхаджане Свята-Уладзіміраўскай царквы наведалі святыні Вільнюса
Шостага жніўня група з дзевяці чалавек на чале з іерэем Васіліем Татарчуком адправілася ў паломніцтва ў Вільню. Прыехаўшы ў Свята-Духаў манастыр, прыхаджане памаліліся за вячэрнім богаслужэннем.
На наступны дзень паломнікі прынялі ўдзел у літургіі, прычасціліся Святых Тайнаў у Свята-Духавым саборы манастыра, наведалі магілу мітрапаліта Іосіфа (Сямашкі), а пасля малебна перад мошчамі Святых Віленскіх мучанікаў Антонія, Іаана і Яўстафія адправіліся на экскурсію.
Падчас экскурсіі група паднялася на Вострую Браму, памаліўшыся перад Вострабрамскай іконай Божай Маці, наведала месца пакутнай смерці Святых Віленскіх мучанікаў, а таксама Прачысценскі кафедральны сабор, дзе змаглі палюбавацца краявідам з вышыні страхі, а таксама папрактыкавацца ў звоне з калакольні.
Уладзіслаў КАЛАЧ