Ініцыятарамі выступілі праваслаўнае брацтва Трох віленскіх пакутнікаў сумесна з Гродзенскай епархіяй. На палічцы прадстаўленыя рэлігійныя выданні на беларускай мове. Тэматыка выданняў даволі разнастайная: кнігі Свяшчэннага Пісання як у адным зборы, так і асобна, тэксты богаслужэнняў і малітваў, “Пропаведзі” архіепіскапа Арцемія, царкоўна-гістарычныя даследаванні на розныя тэмы, Беларускі Праваслаўны Каляндар на 2014 год, мастацкія творы, дыскі з богаслужэбнымі песнапеннямі і народнымі спевамі рэлігійнай тэматыкі.
