Дзень праваслаўнай кнігі адзначылі на занятках у гімназіі г. Шчучына
20/03/2020 - 20:48
20 сакавіка 2020 года Дзень праваслаўнай кнігі, як традыцыйнае свята, быў адзначаны асобнай тэмай пры правядзенні факультатыўных занятках для вучняў 7 класа ДУА "Гімназія г. Шчучына".
На гэты раз невялічкая група выхаванцаў навучальнай установы мела мэтай зрабіць адносна падрабязны агляд тэкстаў факсімільнага выдання рукапіснага Слуцкага Евангелля 1582 года, параўнаўшы яго з арыгінальнымі тэкстамі богаслужбовага Апостала (1836 года выдання), богаслужбовага Евангелля (1896 года выданння) і рускамоўнага тэкста Бібліі (г. Лондан, 1921 год).
Для больш паглыбленнага асэнсавання адрознення стыля і правапіса тэкстаў адзначаных кніг, вучні, пад кіраўніцтвам выкладчыка факультатыва іерэя Сергія Сямашкі, метадам параўнальнага аналіза, выкарыстоўваючы наглядна- метадычны матэрыял, шукалі адрозненне паміж сучаснымі літарамі і славянскай азбукай святых раўнаапостальных братоў Кірыла і Мефодзія.
Iерэй Сергій СЯМАШКА,
клірык храма Святога Архангела Міхаіла г. Шчучына
Фота аўтара
