Шэраг богаслужэнняў і мерапрыемстваў, прысвечаных Святой Пяцідзесятніцы, прайшлі ў Шчучыне

4 чэрвеня 2017 года, у дзень святкавання ў гонар Святой Троіцы, прайшлі святочныя богаслужэнні ў храмах г.Шчучына.

Літургію ў ніжняй царкве ў гонар Аўгустоўскай іконы Прасвятой Багародзіцы абшчыны Богаяўлення ўзначаліў святар Ігар Каласоўскі. У храме Святога Архангела Міхаіла святочную Еўхарыстыю ўзначаліў благачынны Шчучынскай акругі святар Аляксандар Пасцярняк у саслужэнні іярэя Сергія Семашкі.

Па завяршэнні храмавых службаў благачынным Шчучына была праведзена святочная “Абедніца” ў малітоўным пакоі вёскі Галавічполье для мясцовых вернікоў.

Асаблівую радасць свята Пяцідзесятніцы можна было адчуць і ў пакоях Васілішкоўскага  дома-інтэрната, куды так-сама наведаліся святары з мэтай павіншаваць насельнікаў і супрацоўнікоў, раздаць салодкія падарункі дзеткам.  Па-летняму цёплае надвор’е дапамогло ўсім вернікам адчуць сапраўдную прыгажосць Вялікага Дня - Сашэсця Духа Святога і Дзень нараджэння Хрыстовай Царквы!

Святар Сергій СЕМАШКА
Фота аўтара