Архіепіскап Арцемій здзейсніў на Пакроў літургію ў гродзенскім саборы і адкрыў "ПАКРОЎСКАЕ СВЯТА"

14 кастрычніка 2016 года на свята Пакрова Найсвяцейшай Уладычыцы нашай Багародзiцы i Вечнадзевы Марыi Боскую літургію ў Свята-Пакроўскім кафедральным саборы горада Гродна ўзначаліў Прэасвяшчэннейшы Арцемій, архіепіскап Гродзенскі і Ваўкавыскі.

Ўладыке саслужылі: сакратар Гродзенскай епархіі мітрафорны протаіерэй Анатолій Ненартовіч, благачынны гродзенскай акругі протаіерэй Аляксандр Велісейчык, мітрафорны протаіерэй Аляксандр Наздрын, духаўнік епархіі протаіерэй Андрэй Бандарэнка, настаяцель прыхода протаіерэй Георгій Рой, настаяцелі гродзенскіх храмаў і клірыкі сабора.

Пасля набажэнства адбыўся Хрэсны ход і, ўжо можна казаць, традыцыйнае "Пакроўскае свята"

Двор прыходскага дома, праз дарогу ад галоўнага ўвахода ў Пакроўскі сабор, на некаторы час стаў пляцоўкай, дзе некалькі сотняў прыхажан і гасцей разам са святарамі частаваліся смачнай кашай і гарачай гарбатай.

З народным ансамблем беларускай музыкі «Гарадніца» вернікі спявалі, таньчылі, а таксама мелі магчымасць паназіраць за працай каваля, ганчара, ды прыняць удзел у творчым майстар-класе сямейнага центра "Рамонак".

Падчас фэста настаяцель сабора падзякаваў і ўзнагародзіў за ахвярную працу прасфорніц і прыбіральшчыц Пакроўскага прыхода.

"Радасць - гэта традыцыя беларускага народа", - протаіерэй Георгій Рой.

Мікалай БАЙДА

“Узрадаваныя Тваiм, Богамацi, прышэсцем, i Твой прымаючы вобраз, замiлавана просiм: пакрый нас благадатным Тваiм покрывам, i пазбаў нас ад усялякага зла, уратуй душы нашы”.

Больш фота тут