105-год з дня нараджэння беларускай паэткі Ларыса Антонаўны Геніюш
8 жніўня 2015г. прыход храма Святой Жываначальнай Троіцы г.п.Зэльва ўшаноўваў 105-годдзе з дня нараджэння сваёй прыхаджанкі, выдатнай беларускай паэткі Ларысы Антонаўны Геніюш. Набажэнства адбывалася на беларускай мове.
У сваім звароце да прысутных настаяцель храма протаіерэй Георгій Субаткоўскі звярнуў увагу на тое, што беларуская паэтка знаходзіла сілы і сродкі падтрымліваць прыход і абараняць святароў. Так, за ўласныя сродкі ёю было зроблена асвятленне царквы. І тое, што сёння меладычна і малітоўна набажэнства гучыць на беларускай мове, якую яна любіла ўсім сэрцам, пацвярджае, што справа ўсяго жыцця была не дарэмна.
Пасля паніхіды каля помніка Ларысе Антонаўне, які ўсталяваны на тэрыторыі царквы па благаславенні Высокапрыасвяшчэннейшага Філарэта, мітрапаліта Мінскага і Слуцкага, патрыяршага Экзарха ўсея Беларусі, адбыўся літаратурны вечар.
Пасля мерапрыемства жадаючыя змаглі наведаць музей прыхода, большасць матэрыялаў якога датычацца жыцця і дзейнасці Ларысы Антонаўны.
Протаіерэй Георгій Субаткоўскі