Традыцыя жыць
3 студзеня 2015 года, пад час адпраўлення ўжо другой літургіі надыйшоўшага навалецця, у абодзвюх храмах горада Шчучына было па асабліваму сціпла і малітоўна ад таго, што на святым Набажэнстве свае простыя, пяшчотныя малітвы разам з дарослымі ўзносілі дзесяткі дзіцячых сэрцаў.
Ужо шмат гадоў запар стала добрай традыцыяй нашага горада пад час кожных школьных канікулаў і ў дні шматдзённых постаў адпраўляць асаблівую літургію для настаўнікаў і вучняў. Узважыць пражыты перыяд жыцця, падвесці вынік сваіх імкненняў, нарэшце- узнясці падзяку Богу за ўсё - ці гэта не повад сабрацца ў храме? А калі гэты повад становіцца традыцыйным- то гэта ўжо пачатак новага ўклада жыцця.
Кожны з нас, напэўна, ведае шмат традыцый, якія неадступна суправаджаюць жыццёвы шлях чалавека. Але ж вось адна цікавая з’ява: калі, напрыклад Вас, запытаць аб тым, якая з іх з’яўляецца самай галоўнай для хрысціяніна….ў прыватнасці праваслаўнага...ці цяжка будзе адказаць? У тым та ўся і справа, цяжкавата! Але ж адказ на гэтае пытанне зусім не праблемны для чалавека, здабыўшага навык чытаць Слова Божае. Менавіта ў Ім да кожнага з нас звернуты заклік Збавіцеля прыйсці і прыняць Таямніцу Святых Дароў, Таямніцу Жыцця Вечнага! І калі чалавек зможа пачуць гэтае Слова- то для яго, безумоўна, Гасподзь ужо тут на Зямлі адчыняе шлях ў новую традыцую- Традыцую Жыць!
Матэрыял і фота падрыхтаваны прыходам
храма Святога Архангела Міхаіла горада Шчучына