«Анелкi» праслаўлялі Нараджэнне Хрыста
07/01/2019 - 21:24
07. 01. 2019 «Анелкi» праслаўлялі Нараджэнне Хрыста. У цудоўнай зале Архірэйскага падвор’я пасля святочнай літургіі традыцыйна прайшоў Калядны ранішнік.
Больш за 30 удзельнікаў з нядзельнай школы разам са сваімі бацькамі, братамі і сёстрамі, а таксама 10 навучэнцаў школы мастацтваў імя А.Тызенгаўза радаваліся Нараджэнню Збавіцеля.
Каля паўтары гадзіны дзеці спявалі, гралі на музычных інструментах, гулялі ў святочныя гульні, расказвалі вершы, паказвалі тэатралізаваныя прадстаўленні. Кульмінацыяй свята было ўручэнне падарункаў Св.Мікалаем, якія шчодра прадаставілі прадстаўнікі духавенства Гродзенскай епархіі.
