На Пакровы ў кафедральным саборы Гродна зладзілі традыцыйны фэст "Пакроўскае свята"

14/10/2017 - 18:51

14 кастрычніка 2017 года, пасля святочнага богаслужэння ў Свята-Пакроўскім кафедральным саборы горада Гродна, з нагоды прастольнага свята і 110-годдзя асвячэння храма святароў, вернікаў і гасцей запрасілі на традыцыйны фэст "Пакроўскае свята".

Настаяцель сабора протаіерэй Георгій Рой ў сваім прывітальным слове павіншаваў усіх са Святам Пакрова Прасвятой Уладычыцы Багародзіцы, нагадаў пра неабходнасць збірацца і святкаваць разам, прадставіў этна-гурт "Рада".

Двор прыходскага дома, праз дарогу ад галоўнага ўвахода ў Пакроўскі сабор, на некаторы час ізноў стаў пляцоўкай, дзе частаваліся смачнай кашай, салодкімі пачастункамі, гарачай гарбатай, слухалі ды танцавалі пад лепшыя, "правераныя стагоддзямі народныя беларускія хіты" ў выкананні гасцей-музыкаў.