Студэнцкая канферэнцыя Гродзенскай міранскай багаслоўскай калегіі адбылася у Пакроўскім саборы

26/01/2020 - 21:20

26 студзеня 2020 года ў актавай залі Свята-Пакроўскага кафедральнага сабору горада Гродна студэнцкая канферэнцыя Гродзенскай міранскай багаслоўскай калегіі імя прападобнага Лявонція (Карповіча) архімандрыта Віленскага сабрала выкладчыкаў, студэнтаў і зацікаўленых прыхажан.

Пасля агульнай малітвы і выступлення ансамбля салістаў Гродзенскага архіерэйскага хора вітальнае слова прамовіў настаяцель храма протаіерэй Георгій Рой.

Далей прагучалі даклады студэнтаў калегіі:

«Багаслоў'е для міран: роля інтэлектуальнай дзейнасці ў вывучэнні багаслоўскіх дысцыплін»
«Пра кампазіцыю і змест кнігі Песнь Песняў»
«Паняцце Абсалюта ў хрысціянскім багаслоў'і»
«Патрыярх Нікан і яго час»

Пасля дыскусій айцец Георгій пазнаеміў прысутных з новаствораным інтэрнэт сайтам Гродзенскай міранскай багаслоўскай калегіі - collegium.by. У хуткі часе сайт запрацуе паўнавартасна.