ІІ велапрабег у гонар Аўгустоўскай іконы Божай Маці прайшоў у Гродзенскай епархіі

Па благаславенню Высокапраасвяшчэннейшага Арцемія, архіепіскапа Гродзенскага і Ваўкавыскага, 7-8 верасня 2019 года, у межах мерапрыемстваў, прысвечаных памяці з'яўлення Божай Маці ў Аўгустоўскіх лясах, прайшоў другі моладзевы велапрабег Гроденскай епархіі.

У суботу, 7 верасня, з нагоды 105-годдзя З'яўлення Прасвятой Багародзіцы ў Аўгустоўскіх лясах адбыўся велапрабег Гродна-Сапоцкін, у якім прынялі ўдзел маладыя прыхаджане розных храмаў горада.

Стартаваў сонечны велапрабег ад храма Велікамучаніка Панцеляімана. Па дарозе велапаломнікі наведалі храм Аўгустоўскай іконы Божай Маці ў Баранавічах, дзе змаглі падсілкавацца і адпачыць, пасля чаго накіраваліся далей. Таксама прыпынкі былі ўчынены пад Фартом №2 Гродзенскай крэпасці і ля памятнага крыжа над брацкай магілай, што пад полем недалёка ад Фарта №1, падчас якіх былі ўзнесены малітвы за ўсіх тых, чыё зямное жыццё скончылася ў баях на тым полі і па ўсім свеце.

Скончыўся велапрабег у храме Праабражэння Гасподняга ў Сапоцкіне, дзе быў адслужаны малебен з акафістам Прасвятой Уладычыцы нашай Багародзіцы і Вечнадзеве Марыі, у гонар Якой у гэты дзень і здзейснілася ўсё.

Пасля велапрабегу моладзь цёпла прынялі на сядзібе "Тартак" недалёка ад Аўгустоўскага канала, правялі экскурсію, дзе распавялі пра знакавыя рэчы і падзеі ў нашых багатых на гісторыю мясцінах.

У нядзелю была ўзнесена Бажэственная літургія, на якой усе, хто жадаў, прычасціліся Святых Хрыстовых Тайн.

Пасля літургіі, поўныя весялосці, ва ўснёслым настроі, маладыя хрысціяне адправіліся дадому.

Iерэй Георгій СКОРБ