220-годдзю Адама Міцкевіча прысвяцілі літаратурна-мастацкую вечарыну ў Пакроўскім саборы

22 снежня 2018 года ў актавай зале Свята-Пакроўскага кафедральнага сабора горада Гродна адбылася літаратурна-мастацкую вечарына, прысвечаную 220-годдзю з дня нараджэння Адама Міцкевіча. 

У сустрэчы прынялі удзел: настаяцель Свята-Пакроўскага сабора протаіерэй Георгій Рой, святар Свята-Пакроўскага сабора іерэй Павел Каспяровіч, вядомая беларуская паэтка – Данута Янаўна Бічэль, дацэнт Гродзенскага дзяржаўнага ўніверсітэта імя Янкі Купалы Анатоль Брусевіч, Зміцер Даўгаполік і рок-спявак Алесь Дзянісаў.

Пасля ўступнага слова айца Георгія удзельнікі вечарыны падзяліліся ўспамінамі, творчымі разважаннямі пра лёс выбітнага паэта, гучалі як творы Адама Міцкевіча, так і ўласныя пераклады вершаў на беларускую мову.

Мікалай БАЙДА