Вернікам з Квасоўкі настаяцель Пакроўскага сабора правеў лекцыю «Гістарычнае развіццё праваслаўнай літургіі»
19/11/2018 - 21:53
Настаяцель Свята-Пакроўскага сабору протаіерэй Георгій Рой у нядзелю 18 лістапада выступіў з публічнай лекцыяй у прыходзе арграгарадка Квасоўка, Гродзенскага раёну па запрашэнню настаяцеля прыхода протаіерэя Андрэя Русака. Прыхаджанам была прадстаўлена лекцыя і відэапрэзентацыя на тэму: «Гістарычнае развіццё праваслаўнай літургіі».
Пасля лекцыі ў будынку нядзельнай школы адбылося чаепіцце і гутарка з госцем з Мінску праваслаўным кінарэжысёрам Віталіем Любецкім, стваральнікам серыі фільмаў «Прытчы», які прыехаў разам з протаіерэем Георгіем Роем у госці да прыхаджан Квасоўскай царквы. Размова выклікала шчырую зацікаўленасць усіх прысутных.
Протаіерэй Георгій РОЙ
