У Свята-Пакроўскі кафедральны сабор прывязлі Благадатны агонь ад гроба Хрыста ў Іерусаліме

Благадатны агонь ад гроба Хрыста ў Іерусаліме прывязлі ў Свята-Пакроўскі кафедральны сабор у пятніцу, каля 20:00. Духавенства і вернікі сутрелі Святыню, якая ужо 22-гі раз Божым Святлом нагадвае беларусам пра роднае слова. Пры благадатным полымі адбыўся малебен.

Як распавеў настаяцель Свята-Пакроўскага сабора прат. Георгій Рой: “У гэтым падарожжы супадае фізічнае і духоўнае святло, а таксама свет асветы, які прыносіць пісьменства”… Акцыя, прымеркаваная да дня беларускага пісьменства высвятляе думку, што калі вывучаць гiсторыю, то будзем ведаць, што нам ёсць чым ганарыцца — беларускае пісьменства мае шматвекавыя традыцыі, а асветнікі беларускага народа — асобы еўрапейскага маштабу: Францыск Скарына,  Кірыла Тураўскі, Еўфрасіння Полацкая, Сімяон Полацкі, чыю творчасць навукоўцы лічаць не толькі адной з крыніц беларускай літаратуры, але і пачаткам рускага вершаскладання і тэатра.

З гісторыі акцыі:

Пачатак духоўна-асветніцкай экспедыцыі “Дарога да святыняў” быў пакладзены ў 1994 годзе, калі Благадатны агонь асвяціў першае свята беларускага пісьменства. Удзельнікі экспедыцыі - пісьменнікі, паэты, артысты, навукоўцы, журналісты, духавенства, вернікі, кожны, хто нясе роднае слова ў сэрцы і людзям.

Шляхаводнай іконай экспедыцыі з'яўдяецца цудатворная Загор'е-Сталавіцкая ікона Божай Маці.

Мiкалай БАЙДА