Последование молебнаго пения за белорусский народ и молитва о белорусском народе

Диакон: Благослови владыко.

Иереи: Благословен Бог наш всегда, ныне и присно, и во веки веков. Хор: Аминь. Царю Небесный:

Чтец: Трисвятое по Отче наш:

Иерей: Яко Твое есть Царство, и сила и слава, Отца, и Сына, и Святаго Духа, и ныне и присно, и во веки веков.

Чтец: Аминь. Господи, помилуй, 12 раз.

Слава, и ныне:

Приидите, поклонимся Цареви нашему Богу.

Приидите, поклонимся и припадем Христу, Цареви нашему Богу. Приидите, поклонимся и припадем Самому Христу, Цареви и Богу нашему.

Псалом 142:

Господи, услыши молитву мою, внуши моление мое во истине Твоей, услыши мя в правде Твоей и не вниди в суд с рабом Твоим, яко не оправдится пред Тобою всяк живый. Яко погна враг душу мою, смирил есть в землю живот мой, посадил мя есть в темных, яко мертвыя века. И уны во мне дух мой, во мне смятеся сердце мое. Помянух дни древния, поучихся во всех делех Твоих, в творениих руку Твоею поучахся. Воздех к Тебе руце мои, душа моя, яко земля безводная Тебе. Скоро услыши мя, Господи, исчезе дух мой, не отврати лица Твоего от мене, и уподоблюся низходящым в ров. Слышану сотвори мне заутра милость Твою, яко на Тя уловах. Скажи мне, Господи, путь воньже пойду, яко к Тебе взях душу мою. Изми мя от враг моих, Господи, к Тебе прибегох. Научи мя творити волю Твою, яко Ты еси Бог мой. Дух Твой благий наставит мя на землю праву. Имене Твоего ради, Господи, живиши мя, правдою Твоею изведеши от печали душу мою. И милостию Твоею потребиши враги моя и погуби ши вся стужающыя души моей, яко аз раб Твой есмь.

Слава, и ныне: Аллилуиа, трижды.

Ектения великая:

Диакон: Миром Господу помолимся.

Хор: Господи, помилуй.

Диакон: О свышнем мире и спасении душ наших, Господу помолимся.

Хор: Господи, помилуй.

Диакон: О мире всего мира, благостоянии святых Божиих церквей и соединении всех, Господу помолимся.

Хор: Господи, помилуй.

Диакон: О святом храме сем, и с верою, благоговением и страхом Божиим входящих в он, Господу помолимся.

Хор: Господи, помилуй.

Диакон:  О Великом Господине и Отце нашем Святейшем Патриархе Кирилле, о Господине нашем Высокопреосвященнейшем митрополите Павле, и о господине нашем (или: архиепископе, епископе) (имя), честнем пресвитерстве, во Христе диаконстве, о всем причте и людех, Господу помолимся.

Хор: Господи, помилуй.

Диакон: О Богохранимей стране нашей Белорусской, властех и воинстве ея. Господу помолимся.

Хор: Господи, помилуй.

Диакон: О граде сем, (или о веси сей) всяком граде, стране, и верою живущих в них, Господу помолимся.

Хор: Господи, помилуй.

Диакон: О благорастворении воздухов, о изобилии плодов земных и временех мирных, Господу помолимся.

Хор: Господи, помилуй.

Диакон: О плавающих, путешествующих, недугующих, страждущих, плененных, и о спасении их, Господу помолимся.

Хор: Господи, помилуй.

Диакон: О избавитися нам от всякия скорби, гнева и нужды, Господу помолимся.

Хор: Господи, помилуй.

Диакон: Заступи, спаси, помилуй, и сохрани нас, Боже, Твоею благодатью.

Хор: Господи, помилуй.

Диакон: Пресвятую, Пречистую, Преблагословенную, Славную Владычицу Нашу Богородицу, и Приснодеву Марию со всеми святыми помянувши сами себя, и друг друга, и весь живот наш Христу Богу предадим.

Хор: Тебе, Господи.

Иерей: Яко подобает Тебе всякая слава:

По гласу тропаря.

Диакон: Бог Господь, и явися нам, благословен Грядый во имя Господне.

Хор: Бог Господь, и явися нам, благословен Грядый во имя Господне.

Диакон: Стих 1: Исповедайтеся Господеви, яко Благ, яко в век милость Его.

Хор: Бог Господь, и явися нам, благословен Грядый во имя Господне.

Диакон:  Стих 2: Обышедше обыдоша мя, и именем Господним противляхся им.

Хор: Бог Господь, и явися нам, благословен Грядый во имя Господне.

Диакон: Стих 3: Не умру, но жив буду, и повем дела Господня.

Хор: Бог Господь, и явися нам, благословен Грядый во имя Господне.

Диакон: Стих 4: Камень, егоже небрегоша зиждущий, сей бысть во главу угла: от Господа бысть сей, и есть дивен во очесех наших.

Хор: Бог Господь, и явися нам, благословен Грядый во имя Господне.

Тропарь Собору Белорусских святых, глас 5 Почти Господь Белорусский край/ святыми. Ему благоугодйвшими:/ святители, мученики, преподобными и праведными,/ верно Господеви послужившими/ и мзду трудов приявшими./ К тем же ныне и мы вопием:/ о нас молйтеся ко Господу,// да в вере и дёлех плод добр принесём.

Слава:

Кондак Собору Белорусских святых, глас 3 Божии угодницы Белорусския землй/ ныне со дерзновёнием предстоят Престолу Святыя Троицы/ и невйдимо за ны молятся Богу,/ о крае нашем,// прося нам мир и вёлию мйлость.

И ныне:

Не умолчим никогда, Богородице, / силы Твоя глаголати, недостойнии: / аще бо Ты не бы предстояла молящи, / кто бы нас избавил от толиких бед; / кто же бы сохранил до ныне свободны; / не отступим, Владычице, от Тебе, / Твоя бо рабы спасаеши присно от всяких лютых.

Запевы:

Господу: Слава Тебе, Боже наш, слава Тебе.

Богородице: Пресвятая Богородице, спаси нас.

Белорусским святым: Вси святии земли Белорусския, молите Бога о нас.

Слава Отцу и Сыну и Святому Духу.

И ныне и присно и во веки веков. Аминь.

Спасителю: Избави от бед/ рабы Твоя, Многомилостиве,/ яко мы усердно/ к Тебе прибегаем,/ милостивому Избавителю, всех Владыце, Господу Иисусу.

Богородице: Спаси от бед/ рабы Твоя, Богородице,/ яко вси по Бозе/ к Тебе прибегаем,/ яко Нерушимей Стене и Предстательству.

Призри благосердием,/ Всепетая Богородице,/ на мое лютое/ телесе озлобление,/ и исцели души моея болезнь.

Святым: Молите Бога о нас, вси святии земли Белорусския,/ яко мы усердно/ к Вам прибегаем,/ скорым помощникам и молитвенникам о душах наших.

Ектения.

Диакон: Паки и паки миром Господу помолимся.

Хор: Господи, помилуй.

Диакон: Заступи, спаси, помилуй, и сохрани нас, Боже, Твоею благодатию. Хор: Господи, помилуй.

Диакон: Пресвятую, Пречистую, Преблагословенную, славную Владычицу нашу Богородицу, и Приснодеву Марию, со всеми святыми помянувше, сами себе и друг друга, и весь живот наш Христу Богу предадим.

Хор: Тебе, Господи.

Иерей: Ты бо еси Царь мира, и Спас душ наших, и Тебе славу возсылаем, Отцу, и Сыну, и Святому Духу, ныне и присно, и во веки веков.

Хор: Аминь.

Чтец: Прокимен. глас 6. Господи, воздвигни силу Твою / и прииди во еже спасти нас.

Хор: Господи, воздвигни силу Твою / и прииди во еже спасти нас.

Чтец: Cm и.х.Пасыи Израиля вонми, наставляяй, яко овча, Иосифа.

Хор: Господи, воздвигни силу Твою / и прииди во еже спасти нас.

Чтец: Господи, воздвигни силу Твою.

Хор: и прииди во еже спасти нас.

Диакон: Господу, помолимся.

Хор: Господи, помилуй.

Иерей: Яко свят еси, Боже наш, и во святых почиваеши, и Тебе славу возсылаем, Отцы и Сыну и Святому Духу, ныне и присно и во веки веков.

Хор: Аминь.

Диакон: Всякое дыхание да хвалит Господа.

Хор: Всякое дыхание да хвалит Господа.

Диакон: Хвалите Бога, во святых Его, хвалите Его во утвержении силы Его.

Хор: Всякое дыхание да хватит Господа.

Диакон: Всякое дыхание.

Хор: да хватит Господа.

Диакон: И о сподобитися нам слышанию святаго евангелия, Господа Бога молим.

Хор: Господи, помилуй (трижды).

Диакон: Премудрость, прости, услышим святаго евангелия.

Иерей: Мир всем.

Хор: И духови твоему.

Иерей: От Матфея святаго евангелия чтение.

Хор: Слава Тебе, Господи, слава Тебе.

Диакон: Вонмем.

Евангелие ог Матфея 20 зачало от полу.

Рече Господь, просите, и дастся вам: ищите, и обрящете: толцыте, и отверзется вам: всяк бо просяй приемлет, и ищяй обретает, и толкущему отверзется.

Или кто есть от вас человек, егоже аще воспросит сын его хлеба, еда камень подаст ему? Или аще рыбы просит, еда змию подаст ему? Аще убо вы, лукави суще, умеете даяния блага даяти чадом вашим, кольми паче отец ваш небесный даст блага просящим у него.

Хор: Слава Тебе, Господи, слава Тебе.

Сугубая ектения:

Диакон: Помилуй нас, Боже, по велицей милости Твоей, молим Ти ся, услыши и помилуй.

Хор: Господи, помилуй (трижды).

Диакон: Еще молимся о Великом Господине и отце нашем Святейшем Патриархе Кирилле и о господине нашем Высокопреосвященнейшем митрополите Павле, и о господине нашем (архиепископе или Преосвященнейшем епископе ) имярек, и о всей во Христе братии нашей.

Хор: Господи, помилуй (трижды).

Диакон: Еще молимся о богохранимей стране нашей Белорусской, властех и воинстве ея, да тихое и безмолвное житие поживем во всяком благочестии и чистоте.

Хор: Господи, помилуй (трижды).

Диакон: Еще молимся о милости, жизни, мире, здравии, спасении, посещении, прощении и оставлении грехов рабов Божиих (имярек).

Хор: Господи, помилуй (трижды).

Диакон: Еще молимся за всю братию, и за вся христианы.

Иерей: Услыши ны, Боже Спасителю наш, упование всех концов земли и сущих в море далече: и милостив, милостив буди, Владыко, о гресех наших и помилуй ны. Милостив бо и человеколюбец, Бог еси, и Тебе славу воссылаем, Отцу и Сыну, и Святому Духу, ныне и присно и во веки веков.

Хор: Аминь.

МОЛИТВА О БЕЛОРУССКОМ НАРОДЕ

Владыко небеси и земли, Предвечный Боже! Ты весь мир сотворил премудростию Твоею и Духом Святым всех просвещаеши, оживотворяеши и укрепляеши. Ты людской род тако возлюбил, что и Сына Своего Единороднаго на землю послал, дабы все, кто уверовал в Него, стали чадами Твоими и наследниками Небеснаго Твоего Царствия.

Смиренно молимся Тебе, Владыко Вседержителю, защити землю нашу Белорусскую и народ наш, и, простив вся наша прегрешения вольная и невольная, сохрани нас от находящих бед, скорбей и искушений. Даруй нам, Господи, Духа премудрости и страха Божия, Духа крепости и благочестия, дара смирения и рассуждения.

Низпосли, Господи, мир Твой на предержащие власти страны нашея и на всех, живущих в ней. Не предаждь нас служити суете и неправде мира сего лукавого, но да утвердишася в вере и надежде на Тя, научимся творити волю Твою и вся заповеди Твоя потщимся исполнити, яко у Тебе источник жизни и во свете Твоем узрим свет.

Даруй нам, Господи, благодать и ревность о имени Твоем и о правде Твоей и вся ко временному житию потребная, предстательством и покровом Пречистыя и Преблагословенныя Владычицы нашея Богородицы и Приснодевы Марии, молитвами всех святых в земле Белорусской просиявших и всех святых Твоих, с ними же Тебе славу, благодарение и поклонение возсылаем Безначальному Отцу, со Единородным Твоим Сыном, и Всесвятым, и Благим, и Животворящим Твоим Духом, ныне и присно, и во веки веков. Аминь.

Диакон: Премудрость:

Иерей: Пресвятая Богородице, спаси нас.

Хор: Честнейшую Херувим:

Иерей: Слава Тебе, Христе Боже, Упование наше, слава Тебе.

Хор: Слава, и ныне: Господи, помилуй, (трижды) Благослови.

Иерей отпуст: Воскресый из мертвых, Христос истинный Бог наш, молитвами Пречистыя Своея Матере, преподобных и богоносных отец наших, всех святых в земле Белорусской просиявших, и всех святых, помилует и спасет нас, яко Благ и Человеколюбец.

Хор: Аминь.

Диакон провозглашает многолетие.